کابل 27 دلو باختر
مساعدت نقدی ریاست جمهوری امروزازسوی هیئت موظف ریاست جمهوری به ریاست انجنیر اسدالله فلاح مشاور رئیس جمهور ومسولان دارالانشا های مجلسین به ورثه شهداومجروحان حادثه 21 جدی توزیع گردید.
به اساس معلومات دفترمطبوعاتی مشرانوجرگه به آژانس باختر، دراین برنامه نخست انجنیراسدالله فلاح مشاوررییس جمهوری ،پیام تسلیت وغمشریکی محمداشرف غنی رییس جمهور کشور را به خانواده های قربانیان ابرازداشته با اتحاف دعا به ارواح شهدا واستدعای صحت یابی به مجروحان حمله تروریستی 21جدی که کارمندان شورای ملی را هدف قرار داده بود آنرا یک اقدام جنایتکارانه وغیر اسلامی هراس افگنان خوانده که به اشاره بیگانه ها انجام شد وتلفات را به جا گذاشت .
سپس خدای نظرنصرت رییس عمومی دارالانشای ولسی جرگه وتیمورشاه قویم معاون وسرپرست ریاست عمومی دارالانشای مشرانوجرگه طی صحبت ها ازتوجه شخص رییس جمهوربرای رسیدگی به قربانیان حادثه الحاقیه شورای ملی ومساعدت نقدی به آنان ابراز امتنان کردند .
دراخیرمبلغ یکصد هزار افغانی به هریک از ورثه سی ودوشهید این حادثه وپنجاه – پنجاه هزارافغانی به هریک از 81 تن مجروحان به عنوان مساعدت های ریاست جمهوری توزیع گردید.