کابل باختر 8 سنبله
مراسم فاتحه خوانی شهدای حادثه حمله تروریستی بر پوهنتون امریکایی افغان امروز از سوی هیئت رهبری وزارت تحصیلات عالی، پوهنتون متذکره و خانواده های شهدا در مسجد جامع شیرشاه سوری برگزار شد.
به اساس معلومات ریاست نشرات وزارت تحصیلات عالی به آژانس باختر، در این مراسم تعدادی از شخصیت های علمی و سیاسی و دانشمندان، استادان، محصلان و جمعی از شهروندان کشور شرکت نموده بودند.
گفتنیست که پوهنتون امریکایی افغان شام چهارشنبه سوم سنبله ماه جاری هدف حمله دشمنان مردم افغانستان قرار گرفته و در نتیجه 13 تن به شمول استادان، محصلان و محافظان آن پوهنتون شهید و حدود 44 تن دیگر زخمی گردیدند.